لە بەرواری ٢٤ی تشرینی دووەم، بەئامادەبوونی نوێنەری گینس لە ستۆکهۆڵم، گەنجێکی کورد بە پاڵپشتی ڤیژن ئێجوکەیشن توانی ڕیکۆردێکی نوێی گینس تۆمار بکات.
Education Investment MENA کۆنفڕانسێکی پەروەردەیی ساڵانەیە و تێیدا نوێنەری حکومەتەکان، سەرۆکی دامەزراوە پەروەردەییەکان، وەبەرهێنەران، پەروەردەکاران و کەسانی پسپۆڕ لە سەرانسەری جیهانەوە بەشداری تێدا دەکەن.
ڤیژن ئێجوکەیشن ساڵانە پاڵپشتی دارایی بۆ قوتابخانەی دانیال میترانی فەرەنسی دابیندەکات و هەروەها لە ساڵی 2022 قوتابخانەکەی نۆژەنکردۆتەوە لەگەڵ دروستکردنی تاقیگەیەکی زانستی بە تەواوی پێداویستییەکانیەوە، کە ئامانج لێی ڕەخساندنی ژینگەیەکی سەردەمییانە و نێودەوڵەتی پەروەردە و فێرکردنە بۆ فێرخوازان.