ڕۆژی پێنجشەممە، 25ی ئابی 2022، فیلمی سینمایی کوردی “ئەزموون” بە سپۆنسەری ڤیژن ئێجوکەیشن لە هەولێری پایتەختی هەرێمی کوردستان نمایشکرا. نمایشەکە بە ئامادەبوونی دیبلۆماتکاران، بەرپرسانی حکومی، قوتابیان و هونەرمەندان لە ئیمپایەر سینەمای هەولێر بەڕێوەچوو.
دەرهێنەری فیلمەکە بەڕێز “شەوکەت ئەمین کۆرکی” باسی لە گرنگیی فیلم و ڕاگەیاندن و پەروەردە کرد بۆ کۆمەڵگا، هەروەها تیشکی خستە سەر کێشە کۆمەڵایەتییەکانی هەرێمی کوردستان کە بەشێکی لە فیلمەکەدا باسیان لێوە کراوە.
ئەم فیلمە بە هاوبەشی لە نێوان حکومەتی هەرێمی کوردستان و حکومەتی ئەڵمانیا بەرهەم هێنراوە. فیلمی ئەزموون لە زیاتر لە 40 فیستیڤاڵی نێودەوڵەتیی ڕۆشنبیری و هونەری لە جیهاندا نیشاندراوە. بە سپۆنسەرکردنی نمایشی فیلمەکە لە شاری هەولێر، ڤیژن ئێجوکەیشن دەیەوێت لە ڕێگەی هونەرەوە کۆمەڵگا بە کولتوور، مێژوو و شووناسی تایبەتی کوردی ئاشنا بکات. هونەر ڕۆلێکی گرنگی هەیە لە ئاشناکردنی کۆمەڵگا بە کولتوور، مێژوو، ناسنامەکەمان و پەروەردە بە گشتی.